Notting Hill

Helgin var mjög góð. Á föstudaginn var ég og Arna bara heima að gera ekki neitt,
ætlaði nú reyndar að kíkja út í partý en svaf það af mér :( en það verður víst að hafa það..
Fékk í staðin að vakna snemma og læra og svo fór ég á Portobello markaðinn í Notting Hill. Hafði aldrei farið áður þannig að þetta var mjög skemmtileg upplifun og eyddi of miklum pening. En það var samt góð eyðsla..ég lofa..
Við sáum margt skemmtilegt þarna; myndavélar frá fornöld sem gaman væri að eiga bara upp á töffið, ávaxtamarkaði, fallegt fólk, OF mikið af fötum sem við máttum ekki við að horfa á og svo það sem mér fannst skemmtilegast - verk eftir götulistamanninn Banksy.





Fékk mér þessar tvær myndir, er alveg öll skotin.

Svo fórum við náttúrulega ekki framhjá The Travel Book store - úr Notting Hill myndinni!!! Ég er ekki að grínast, ég fékk kast.. Búðin lítur alveg eins út og í myndinni og ég er ekki frá því að það hafi verið dökkhærður, myndarlegur breti fyrir aftan búðarborðið..





Svo enduðum við götuna á að setjast í einn bjór..





Ég kem heim eftir minna en mánuð núna og ég er að pissa í mig af spenningi!!! ég get ekki beðið eftir að hitta alla!!

Skólinn gengur ágætlega, það er mikið að gera.. en þetta gengur! :)

Langar að vita hvort það sé einhver sem les... comment!!

Dana